扎鐡工潮

1. 自由市場，人工會 auto adjust？

其實佢地個市場係 monopolized，俾兩三個判頭佔咗 90%市場，係唔係自由市場？人工只係會由判頭定，邊有得auto adjust？

2. 佢地唔係只係出賣苦力，佢地要識得睇圖，了解個 structure，先可以扎到。要專業少少既 knowledge，要高人工啲都合理。

3. 發展商 profit 越來越高，工人啲人工就越來越低。
地價十年前同而家差幾遠？我相信建築成本(物料)只會有平到，冇貴到。
扎鐡工啲人工又減咗成半有多。
你而家買樓又同以前差幾多？啲差價去咗邊？咪去咗發展商道囉…

佢地都忍咗好多年，忍無可忍先罷工。

將心比己，如果你嗰行(係你嗰行，唔係你間公司)不斷減人工。之前幾年減人工叫"同甘共苦"，但係而家老細賺到巴巴聲，都係減人工。
你做咗十幾年，你會點？轉行？自己都難轉啦，何況係扎鐡工人？
你又夠唔夠膽罷工？

我唔明啲人成日講"自由市場"，俾個市場去運作。究竟知唔知乜野先係自由市場？香港唔係自由市場既地方仲有好多…

有啲人驚行行都會出來罷工，我就唔信人人都有佢哋咁好膽色。﹙當然佢哋既膽色都係被人迫出來﹚